టాటా మోటార్స్ ఎంతో ఆసక్తిగా ఎదురుచూస్తున్న టాటా సియెర్రా 2025 మోడల్ను అధికారికంగా విడుదల చేయడానికి సన్నాహాలు పూర్తిచేసింది. నవంబర్ 25న మార్కెట్లోకి రాబోతున్న ఈ SUVపై ఆటో మొబైల్ రంగంలో భారీ అంచనాలు నెలకొన్నాయి. పాత సియెర్రా మోడల్కు ఉన్న ప్రత్యేకమైన డిజైన్ వారసత్వాన్ని కొనసాగిస్తూ, ఆధునిక టెక్నాలజీతో కొత్త అవతారాన్ని సిద్ధం చేసింది.
కొత్త సియెర్రా మొదటగా పెట్రోల్ మరియు డీజల్ వేరియంట్లలోనే వస్తోంది. 1.5 లీటర్ టర్బో పెట్రోల్ ఇంజిన్ సుమారు 160–170 bhp శక్తిని అందించే అవకాశముంది. డీజల్ మోడల్ కూడా అందుబాటులోకి వస్తుందని పరిశ్రమ వర్గాలు చెబుతున్నాయి. మాన్యువల్, ఆటోమేటిక్ గేర్బాక్స్ ఆప్షన్లు ఇవ్వనున్నారు. తరువాతి దశలో ఎలక్ట్రిక్ వేరియంట్ను విడుదల చేయబోతున్నట్లు సమాచారం.
డిజైన్ విషయానికొస్తే, ప్రాచీన Sierra గుర్తు వచ్చే “అల్పైన్ విండో” శైలి కొత్త మోడల్లో చూపరులను ఆకట్టుకునేలా రూపొందించారు. బలమైన బాడీ లైన్స్, పెద్ద అలాయ్ వీల్స్, ఫ్లష్ డోర్ హ్యాండిల్స్, స్కిడ్ ప్లేట్లుSUVకు మరింత రగ్గ్డ్ లుక్ను ఇస్తున్నాయి.
కేబిన్లో మొత్తం మూడు స్క్రీన్ల సెటప్ కీలక ఆకర్షణగా మారింది. డ్రైవర్ డిస్ప్లే, ఇన్ఫోటైన్మెంట్ సిస్టమ్, ప్యాసింజర్ స్క్రీన్ ఆల్ డిజిటల్, ప్రీమియం అనుభవాన్ని ఇవ్వనున్నాయి. డ్యూయల్ జోన్ క్లైమేట్ కంట్రోల్, ఎలక్ట్రిక్ మరియు వెంటిలేటెడ్ సీట్లు, వైర్లెస్ ఫోన్ ఛార్జింగ్, 360 డిగ్రీ కెమెరా వంటి హై-టెక్ ఫీచర్లు అందుబాటులో ఉండనున్నాయి. భద్రత కోసం లెవల్-2 ADAS సిస్టమ్ను కూడా టాటా చేరుస్తోంది.
కొత్త సియెర్రా అనేక ఆకర్షణీయమైన కలర్లలో లాంచ్ కానుంది. SUV లాంచ్కు ముందే కొన్ని ప్రాంతాల్లో అనధికారిక బుకింగ్లు మొదలైనట్టు సమాచారం వస్తోంది. తక్కువ ఖర్చుతో టోకెన్ అమౌంట్ తీసుకుంటున్నారని వినియోగదారులు చెబుతున్నా, అధికారిక లాంచ్ వరకూ జాగ్రత్తగా ఉండాలని ఆటో నిపుణులు సూచిస్తున్నారు.
ఎలక్ట్రిక్ వెర్షన్ త్వరలో రావడంతో, టాటా మోటార్స్ SUV మార్కెట్లో మరింత బలపడాలని లక్ష్యంగా పెట్టుకుంది. క్లాసిక్ డిజైన్కు ఆధునిక టెక్నాలజీ జత చేయబడిన సియెర్రా, మార్కెట్లో మంచి ప్రభావాన్ని చూపుతుందని విశ్లేషకులు పేర్కొంటున్నారు.
