ఓపెన్‌ఏఐ తన కొత్త AI-ఆధారిత వెబ్ బ్రౌజర్ చాట్‌జీపీటీ అట్లాస్ ను అధికారికంగా విడుదల చేసింది. ఈ బ్రౌజర్ వినియోగదారులు ఇంటర్నెట్‌తో ఎలా ఇంటరాక్ట్ చేస్తారో మార్చే లక్ష్యంతో రూపొందించబడింది. ఈ లాంచ్‌తో ఓపెన్‌ఏఐ నేరుగా గూగుల్ క్రోమ్‌కి పోటీగా నిలుస్తుంది.
చాట్‌జీపీటీ అట్లాస్ బ్రౌజర్‌లో ఓపెన్‌ఏఐ చాట్‌జీపీటీని నేరుగా ఇంటిగ్రేట్ చేశారు. వినియోగదారులు ఏ వెబ్‌పేజీని వీక్షిస్తున్నారో దానిపై ప్రశ్నలు అడగడం, కంటెంట్ సారాంశం పొందడం, ఉత్పత్తులను పోల్చడం, షాపింగ్ లేదా రీసెర్చ్ వంటి టాస్కులు చేయడం వీలుగా ఉంటుంది. అలాగే “ఏజెంట్ మోడ్” ఫీచర్ ద్వారా చాట్‌జీపీటీ వినియోగదారుని తరఫున స్వతంత్రంగా వెబ్ బ్రౌజ్ చేయగలదు.
ఓపెన్‌ఏఐ వినియోగదారుల డేటా ప్రైవసీపై ప్రత్యేకంగా దృష్టి పెట్టింది. వినియోగదారులు తమ డేటా ఉపయోగంపై పూర్తి నియంత్రణ కలిగి ఉంటారు. “బ్రౌజర్ మెమోరీస్” అనే ఫీచర్ ద్వారా చాట్‌జీపీటీ వినియోగదారుల ప్రత్యేక సమాచారాన్ని గుర్తుంచుకొని మరింత సహాయకంగా ఉండగలదు.
చాట్‌జీపీటీ అట్లాస్ లాంచ్ వల్ల టెక్ ఇండస్ట్రీలో దుమారం సృష్టించింది. ప్రస్తుతం చాట్‌జీపీటీ అట్లాస్ macOS కోసం అందుబాటులో ఉంది. త్వరలో Windows, iOS, Android ప్లాట్‌ఫామ్లకు విస్తరించడానికి ప్రణాళిక ఉంది.
