సామ్సంగ్ రాబోయే ఫ్లాగ్షిప్ గెలాక్సీ S26 అల్ట్రా గురించి కొత్త సమాచారం బయటపడింది. ఈసారి ఫోన్లో అత్యంత ముఖ్యమైన మార్పు బ్యాటరీ సామర్థ్యం మరియు చార్జింగ్ వేగంలో ఉండబోతోందని లీక్లు స్పష్టం చేస్తున్నాయి.
S26 అల్ట్రాలో 5200mAh బ్యాటరీని ఏర్పాటు చేసినట్లు సమాచారం. ఇది S25 అల్ట్రాతో పోల్చితే స్పష్టమైన అప్గ్రేడ్. అధిక సామర్థ్యం వల్ల
హై రిఫ్రెష్ రేట్ డిస్ప్లే ఉపయోగం వంటి సందర్భాల్లో బ్యాటరీ బ్యాకప్ మరింత మెరుగుపడే అవకాశం ఉంది.
సామ్సంగ్ ఈసారి బ్యాటరీ ఆప్టిమైజేషన్పై ఎక్కువ శ్రద్ధ పెట్టినట్లు తెలుస్తోంది. కొత్త 2nm ప్రాసెసర్తో కలిపి పవర్ మేనేజ్మెంట్ మరింత మెరుగ్గా ఉండే అవకాశాలు ఉన్నాయి.
మరో కీలక అప్డేట్ 60W వైర్డ్ ఫాస్ట్ ఛార్జింగ్. సామ్సంగ్ ఎక్కువ సంవత్సరాలుగా 45W వద్దే నిలిచిపోయింది. కాబట్టి 60W సపోర్ట్ రావడం కంపెనీకి ఒక పెద్ద ముందడుగు. దీని వల్ల
ఫోన్ పూర్తిగా ఛార్జ్ కావడానికి పట్టే సమయం గణనీయంగా తగ్గుతుంది. హై-కాపాసిటీ బ్యాటరీ ఉన్నప్పటికీ వేగంగా ఛార్జ్ చేసుకునే అవకాశం ఉంటుంది.
వైర్లెస్ ఛార్జింగ్ సెక్షన్లో కూడా S26 అల్ట్రా 25W వైర్లెస్ మరియు రివర్స్ వైర్లెస్ ఛార్జింగ్ సపోర్ట్ అందించే అవకాశాలు ఉన్నాయి.
బ్యాటరీ పనితీరును మెరుగుపరచడానికి సామ్సంగ్ ఈసారి పెద్ద సైజ్ వేయపర్ చాంబర్ను ఉపయోగించబోతోందని సమాచారం. దీనివల్ల ఛార్జింగ్ సమయంలో ఉద్భవించే వేడిని తగ్గిస్తుంది.
గేమింగ్ సమయంలో బ్యాటరీపై పడే ఒత్తిడి తగ్గుతుంది. మొత్తం బ్యాటరీ జీవిత కాలం పెరుగవచ్చు
గెలాక్సీ S26 అల్ట్రా బ్యాటరీ విభాగంలో గత మోడళ్లతో పోలిస్తే స్పష్టమైన అప్గ్రేడ్గా నిలవబోతోంది. 5200mAh భారీ సామర్థ్యం, 60W ఫాస్ట్ ఛార్జింగ్, మెరుగైన థర్మల్ మేనేజ్మెంట్ అన్ని కలిపి దీన్ని సామ్సంగ్ ఇప్పటి వరకు విడుదల చేసిన అత్యుత్తమ పవర్-ఎఫిషియెంట్ అల్ట్రా మోడల్గా నిలపనున్నాయి.
