రియల్మీ భారత మార్కెట్లో తన కొత్త బడ్జెట్ 5G స్మార్ట్ఫోన్ Realme P4x 5G ను అధికారికంగా విడుదల చేసింది. ఫోన్తో పాటు కంపెనీ Realme Watch 5 ను కూడా లాంచ్ చేసింది. పెద్ద బ్యాటరీ, ఫాస్ట్ ఛార్జింగ్, శక్తివంతమైన ప్రాసెసర్ వంటి ఫీచర్లతో ఈ మోడల్ బడ్జెట్ సెగ్మెంట్లో మంచి పోటీ ఇవ్వగలదని చెప్పబడుతోంది.
రియల్మీ P4x “ఎయిరోస్పేస్ ఇన్స్పైర్డ్ డిజైన్”తో వచ్చింది. వెనుక భాగంలో వర్టికల్ పిల్-షేప్ కెమెరా మాడ్యూల్, స్పష్టమైన రియల్మీ బ్రాండింగ్ కనిపిస్తాయి. ఫోన్ మందం 8.39mm కాగా బరువు 208 గ్రాములు. హ్యాండ్లో ఈ డివైస్ ప్రీమియమ్ ఫీల్ ఇస్తుంది.
ఈ ఫోన్లో 6.72 అంగుళాల డిస్ప్లేను అందించారు. 144Hz రిఫ్రెష్ రేట్తో స్క్రోలింగ్, గేమింగ్ మరింత స్మూత్ గా ఉంటుంది. డిస్ప్లే 1,000 నిట్స్ పీక్ బ్రైట్నెస్ను అందిస్తుంది. డ్యూయల్ స్పీకర్లతో కలిపి మల్టీమీడియా అనుభవం మెరుగైందని కంపెనీ చెబుతోంది.
పర్ఫార్మెన్స్ విషయంలో, ఈ ఫోన్ MediaTek Dimensity 7400 Ultra 5G చిప్సెట్పై పనిచేస్తుంది. AnTuTu బెంచ్మార్క్లో ఇది 7.8 లక్షలకుపైగా స్కోర్ సాధించినట్లు కంపెనీ వెల్లడించింది. BGMI, Call of Duty Mobile వంటి గేమ్లను 90 FPS, Free Fire ను 120 FPS వరకు రన్ చేయగలదని కూడా పేర్కొంది.
కెమెరాల విషయానికి వస్తే, Realme P4x లో 50MP AI మెయిన్ కెమెరాని అందించారు. ఇది 4K వీడియో రికార్డింగ్కు సపోర్ట్ చేస్తుంది. ఫోటోలను మెరుగుపరచడానికి Eraser, Motion Deblur, Glare Remover వంటి AI ఫీచర్లు అందుబాటులో ఉన్నాయి. ముందు భాగంలో 8MP సెల్ఫీ కెమెరా ఉంది.
ఫోన్ ప్రధాన ఆకర్షణ 7000mAh భారీ బ్యాటరీ. దీనికి 45W ఫాస్ట్ ఛార్జింగ్ సపోర్ట్ ఉంటుంది. బైపాస్ ఛార్జింగ్ ఫీచర్ వల్ల గేమింగ్ చేస్తూ పెట్టినా ఫోన్ వేడి పడకుండా చార్జ్ అవుతుంది.
రియల్మీ P4x విక్రయాలు డిసెంబర్ 10 నుంచి ప్రారంభం కానున్నాయి. మొదటి సేల్ మధ్యాహ్నం 12 గంటలకు మొదలై 12 గంటల పాటు కొనసాగుతుంది.
ధరలు ఇలా ఉన్నాయి:
6GB+128GB వేరియంట్ – ₹15,999
8GB+128GB – ₹17,499
8GB+256GB – ₹19,499
ఫోన్ కొనుగోలు సమయంలో ₹1,000 కూపన్ మరియు అదనంగా ₹1,500 బ్యాంక్ ఆఫర్ లభిస్తాయి. ఇతర రిటైల్ చానెళ్లలో ₹2,500 వరకు బ్యాంక్ ఆఫర్ అందుబాటులో ఉంటుంది.
రియల్మీ P4x 5G తన డిజైన్, బ్యాటరీ, పనితీరు కారణంగా బడ్జెట్ వినియోగదారులకు ఆకర్షణీయమైన ఎంపికగా కనిపిస్తోంది.
